ප්‍රාදේශීය ලේකම් කාර්යාලය - ගලෙන්බිඳුනුවැව

           ගලෙන්බිදුණුවැව ප්‍රාදේශීය ලේකම් කොට්ඨාසයේ භෞතිකමය හා පරිපාලනමය වශයෙන් පහත සදහන් ප්‍රදේශ වලින් මායිම් වී  ඇත.

උතුර - කහටගස්දිගිලිය ප්‍රාදේශීය ලේකම් කොට්ඨාසය හා හොරොව්පතාන ප්‍රාදේශීය ලේකම් කොට්ඨාසය

නැගෙනහිර - ත්‍රිකුණාමලය දිස්ත්‍රීක් මායිම

බටහිර - මිහින්තලය ප්‍රාදේශීය ලේකම් කොට්ඨාසය හා තිරප්පනේ ප්‍රාදේශීය  ලේකම් කොට්ඨාසය

දකුණින් - කැකිරාව ප්‍රාදේශීය ලේකම් කොට්ඨාසය හා මිහින්තලේ ප්‍රාදේශීය  ලේකම් කොට්ඨාසය

     මෙම ප්‍රාදේශිය ලේකම් කොට්ඨාසය සතු බිම්  ප්‍රමාණය දළ වශයෙන් වර්ග කිලෝමීටර  332.00  ක් වන අතර පැරණිතම  ගොවි  ජනපද  ව්‍යාපාරවලින්  එකක්  වන 1953 අග්‍රාමාත්‍ය D.S.සේනානායක මැතිතුමා අාරම්භ කරන ලද හුරුළුවැව ගොවි ජනපද ව්‍යාපාරය මෙම කොට්ඨාසයට අයත් වේ. මෙහි ප්‍රධාන නගරය ගලෙන්බිදුණුවැව  වන අතර මෑත කාලය වන විට  දුටුවැව  සහ  යකල්ල සුළු නඟර ලෙස  වර්ධනය වී  ඇත. ගලෙන්බිදුණුවැව නගරය  අනුරාධපුර නගරයේ  සිට  කිලෝමීටර  42ක්  දුරින්  පිහිටා  ඇත. ගලෙන්බිඳුණුවැව ප්‍රාදේශිය ලෙකම් කාර්යාලය ප්‍රදේශයේ පවතින පරිපාලන ආයතනයක් ලෙස මුලින්ම ආරම්භ වන්නේ නඟරය මධ්‍යයයේ ඇති කුඩා ගොඩනැගිල්ලක් තුළය. ඉන් අනතුරුව 70 දශකයේ මුල් භාගයේ නව පරිපාලන ගොඩනැගිල්ලක් ලෙසට අද පවතින පැරැණි  ගොඩනැගිල්ල තුළ සියලු කටයුතු සිදුකරගෙන ගොස් පවති.ඉන් අනතුරුව මෑත කාලයේ දි වර්තමානයේ පවතින තට්ටු දෙකක් සහිත  ගොඩනැගිල්ල ඉදිකර ඒ තුළ කාර්යාල කටයුතු පවත්වාගෙන යයි.